اسلام آباد ۔ 18 جولائی (اے پی پی) وزیراعظم محمد نواز شریف آکھیا جو پاکستان کوں مشری وسطیٰ اچ اجوکے بحران تے تشویش اے،پاکستان دی حکومت اتے عوام برادر اسلامی ملکاں وچال مسئلہ دے سفاری حل دے خواہاں ہن۔انہاں اے گالھ منگل کوں قطر دے وزیر خارجہ شیخ محمد بن عبدالرحمن الثانی نال انہاں دے دورہ پاکستان دے وچال گالھ مہاڑ کریندیں ہوئیں آکھی۔ملاقات اچ شیخ محمد بن عبدالرحمن ’ وزیراعظم کوں سعودی عرب، یو اے ای، بحرین اتے مصر دے مطالبات تے قطر دے جواب اتے امیر کویت شیخ صباح الاحمد الجابر الصباح دی ثالثی دی کوششاں دی اجوکی صورتحال بارے ڈسایا۔وزیراعظم کویت دے امیر دی دانشمندی اتے بصیرت کوں سراہنیدں ہوئیں آکھیا جو پاکستان خلیج دے خطہ اچ اجوکے بحران دا حل گولنڑ سانگے انہاں دی مخلصانہ کوششاں دی حماےت کریندے۔۔ قطر دے وزیر خارجہ ’ پرتپاک خیرمقدم تے وزیراعظم دا شکریہ ادا کریندیں ہوئیں ڈوہیں ملکاں وچال ڈو پاسہ تعلقات دے بئے ودھارے سانگے قطر دی خواہش دا اعادہ کیتا۔
