اسلام آباد۔10نومبر(اے پی پی) وفاقی وزیر داخلہ محسن نقوی شمالی وزیرستان دے علاقے اسپن وام اچ پاکستان دی سکیورٹی فورسز دی طرفوں کیتے ڳئے کامیاب آپریشن تے خراج تحسین پیش کریندے آکھیے انتہائی باریک بینی نال منصوبہ بندی اتے عمل اچ گھن آئی ڳئی کاروائی اچ سکیورٹی اہلکاراں 6 خارجی دہشت گرداں کوں ہلاک کرݙتے جی??ھے ٻہوں سارے حملیں اچ ملوث ہن تے قومی سلامتی کیتے سنگین خطرہ ہن ۔ آپݨے بیان اچ محسن نقوی سکیورٹی فورسز دے تکھے تے تزویراتی ردعمل دی تعریف کیتی تے آکھیے ایں کاروائی نہ صرف دہشت گرداں کوں بے اثر کیتے بلکہ خطے کوں غیر ??ستحکم کرݨ د انھاں دے ارادیں کوں وی ناکام بݨا ݙتے ۔وزیر داخلہ سکیورٹی فورسز دے اہلکاراں دی ہمت اتے جذبے کوں منیندے آکھیے سکیورٹی فور??ز آپݨی وختی فیصلہ کن مداخلت نال خارجی دہشت گرداں دے مذموم عزائم کوں کچل ݙتے ۔وزیر داخلہ کامیاب کارروائی کوں پاکستان سانڳے ماݨ دی ڳالھ قرار ݙتے تے سکیورٹی فورسز تے قوم دے غیر ??تزلزل اعتماد کوں اجاگر کیتے انھاں مزید آکھیے پوری قوم کوں بہادر سکیورٹی اہلکاراں تے ماݨ اے جنہاں ول ول خطریں دا سامݨا کریندے بہادری دا ݙکھائی اے۔ آپریشن دی کامیاب حک??ت عملی دی تعریف کریندے محسن نقوی مزید آکھیے اے آپریشن ملک دی چنڈ چنڈ توں دہشت گردی کوں منڈھوں مکاوݨ سانڳے پاکستان دے پکے عزم کوں ظاہر کریندے ۔ وفاقی وزیر داٰخلہ حک??مت دے زیرو ٹالرنس نقطہ نظر تے زور ݙیندے آکھیے اساں دہشت گرداں کوں پاکستان اچ کتھائیں وی لُکݨ دا موقع نہ ݙیسوں انھاں دا مسلسل تعاقب کیتا ویسی جݙاں تئیں ہر شہری سانڳے امن تے استحکام دا یقین نہ تھی ونڄے ۔وفاقی وزیر داخلہ حک??مت دے عزم دا اعادہ کیتے جو چھیکڑی خطرے مکݨ تئیں ایجھیاں کوششاں جاری رکھیسوں۔
