اسلام آباد۔29دسمبر(اے پی پی) وفاقی وزیر قومی صحت عبدالقادرپٹیل آکھیے پاکستان ایں ویلھے تئیں ھک فیصد وی کورونا توں متاثر کائنی، کڄھ پڑوسی ملکاں اچ اندے کھنڈݨ دا خطرہ اے لیکن پاکستان اچ ایندے کھنڈݨ دا خطرہ کائنی۔ خمیس کوں میڈیا نال ڳالھ مہاڑ کریندے ہوئیں انہاں آکھیے جو پاکستان اچ حالی تئیں ایندی شرح 0.33فیصد اے تے اے 0.5فیصد توں وی گھٹ اے ایندے اچ ٻہوں وݙی محنت شامل اے، پاکستان دنیا دے انہاں ملکاں اچ شامل اے جنہاں اچ کووڈ ویکسی نیشن دی شرح 95فیصد اے۔ انہاں آکھیے ایں حوالے نال جیڑھی اساں ٻالاں اچ ویکسینیشن دی مہم شروع کیتی ہئی جیں دے دوران 80 لکھ ٻالاں دی ویکسینیشن کیتی ڳئی اے ۔ انہاں آکھیے جو کووڈدے حوالے نال حالات پوری طرح کنٹرول وچ ہن ۔ انہاں آکھیے عمر رسیدہ او لوک جیڑھے مختلف بیماریاں دا شکار ہوون او وی کووڈ دا شکار نی تھئے ۔ انہاں آکھے اساں پوری طرح متحرک کائنی ، اساں ، ساݙے لوخ تے ساݙٰ ٹیم وی کہیں قسم دی کوئی وسلائی نی پئی کریندی ، پاکستان دا مستقبل محفوظ ہتھاں اچ اے ۔ انہاں آکھیے میڈیا دے توسط نال آپمے لوکاں توں اے اپیل کریندان جو او انہاں افواہیں تے کن نہ ݙیون ، اساں ہر ویلھے ایندے تے نظر رکھی ہوئی اے جے کوئی وی ایجھی صورتحال ہووے تاں اساں آپݨی قوم توں لکیسوں کائناں ، عوام کہیں پروپگنڈے دا شکاری نہ تھیوے بارڈرزتے کڑی نگرانی شروع کرݙتی اتے تے ساݙی بارڈر ہیلتھ سروس وݙی جانفشانی نال کم کریندی پئی اے ۔
.jpg)
