نیویارک ۔ 9 اکتوبر (اے پی پی) پاکستان مسئلہ کشمیر دے پرامن حل دی ضرورت تے زور ڈیندے ہوئیں عالمی برادری توں مطالبہ کیتے جو او بھارتی تسلط اچ کشمیریاں تے کیتا ونجنڑ آلا ظلم بند کراونڑ سانگے پکے تے با مقصد مذاکرات کرے ۔اقوام متحدہ اچ پاکستان دی مستقل مندوب ڈاکٹر ملیحہ لودھی اقوام متحدہ کی جنرل اسمبلی اچ سیکرٹری جنرل دی عالمی ادارے بارے اچ رپورٹ تے مباحثے دے دوران اپنڑے خطاب اچ آکھیا جو اقوام متحدہ دی جھیڑا کشمیر تے فریق دی حیثیت نال ذمے واری بنڑدی اے جو اویں جھیڑے کوں حل کرے ۔انہاں آکھیا جو جموں تے کشمیر دا جھیڑا سلامتی کونسل دے ایجنڈے تے ساریں توں پرانڑاں مسئلہ ہے ۔ڈاکٹر ملیحہ لودھی ایں گا ل تے افسو س دا اظہار کیتا جو اقوام متحدہ دی کشمیر متعلق قرارداداں تے حالی تئیں عمل در آمد کائنی کیتا گیا جیں اچ کشمیریاں کوں حق خود ارادیت ڈیونڑ دا وعدہ کیتا گے ۔انہاں آکھیا پاکستان مسئلہ کشمیر مذاکرات دے ذریعے حل چاہندے تے بھارت اینویں نی کرنڑ چاہندا ۔ ثالثی سانگے اقوام متحدہ دے سیکرٹری جنرل دے اعلی سطح دے بورڑ دے قیام دا خیرمقدم کریندے ہوئیں پاکستان دی مستقل مندوب 193 رکنی جنرل اسمبلی کو ں یاد ڈویا جو جموں تے کشمیر دا جھیڑا قوام متحدہ دے چیپٹر 6 تے موجود ابتدائی درخواستاں اچ شامل ہے جیرھا جو پیسیفک جھیڑے تے تصفیں دی تفیل متعلق ہے ڈاکٹر ملیحہ لودھی اقوام متحدہ دے انسانی حقوق بارے ہائی کمشنر دی 14جون دی رپورٹ دا ذکر کیتا جیں اچ مقبوضہ کشمیر اچ بھارت دے ہتھوں انسانی حقوق دیاں پامالیاں دا ذکر کیتا گے ۔
