اسلام آباد۔ 21 جون (اے پی پی) وفاقی وزیر خزانہ محمد اورنگزیب آکھیے جو حکومت دا وژن جامع اَتے ہمہ گیر ترقی دا گھنݨ اے، ملکی معیشت کوں تکڑی بنیاداں تے ٹورݨ دا رستہ ہموار کیتا ڳئے۔ گزریل مالی سال وی کوئی م??ی بجٹ پیش نہ کیتا ہئی، درآمدی سولر پینلز دے 46 فیصد آلات تے ٹیکس 18 فیصد توں گھٹ کرتے 10 فیصد کر ݙتا ڳئے، گھٹ اَتے متوسط طبقے دے سرکاری م??ازمین تے ماہانہ ٹیکس مزید گھٹا ݙتا ڳئے، ناجائز منافع خوراں کوں عوامی استحصال دی اجازت نہ ݙتی ویسی۔ سینیٹ قائمہ کمیٹی خزانہ و محصولات دیاں سفارشات اچوں 50 فیصد کوں بجٹ دا حصہ بݨایا ویسی، زرعی دوائیں تے ٹیکس ختم کرݙتے اَتے وزیراعظم دی ہدایت تے ہک ہزار گریجویٹس کوں چین بھیجیا ویسی۔سینیٹ اچ آندے مالی سال دے بجٹ تے بحث سنبھیندے ہوئیں وزیر خزانہ آکھیے جو بجٹ حکومتی پالیسی تے عملدرآمد دا اہم ذریعہ اے۔ ایہا وجہ اے جو بجٹ تے بحث قومی اسمبلی اَتے سینیٹ دے سالانہ کارروائی دا وی ساریں توں اہم حصہ اے۔ انہاں آکھیے جو بجٹ 2025-26ء تے جاری بحث کوں سنبھیندے ہوئیں میں دلوں ایں ڳالھ دا اعتراف کرینداں جو پچھلے لڳ بھڳ ݙڈھ ہفتےاچ اساں ایں معزز ایوان اچ ہک نہایت سنجیدہ، متوازن اَتے بامعنی مشاورت دا حصہ رہیے، جیں اچ ارکان سینیٹ ٻہوں بالغ نظری، فہم و فراست اَتے حب الوطنی دے جذبے دے تحت بجٹ دے سارے پہلواں تے ڳالھ کیتی۔ بلاشبہ انہاں دی بحث اَتے مشورے اساݙی گوناگوں رہنمائی کیتی، اساݙیاں پالیسیاں دا جائزہ ڳھدا اَتے ملک کوں معاشی اعتبار نال خود کفالت، شفافیت اَتے ترقی دی شاہراہ تے پاوݨ دے عزم کوں پکا کیتے۔انہاں آکھیے جو میں بالخصوص سینیٹ دی قائمہ کمیٹی خزانہ و محصولات دا شکر گزار ہاں، خاص طور تے سینیٹر سلیم مانڈوی والا اَتے انہاں دے رفقاء فاروق حامد نائیک، شیری رحمن، محسن عزیز، سید شبلی فراز، انوشہ رحمن، شاہ زیب درانی، فیصل واوڈا، احمد خان، منظور احمد، فیصل علی سبزواری اَتے محمد عبدالقادر دا شکریہ ادا کرݨ چاہساں۔ ایں کمیٹی کئی وݙے اَتے مفصل نشستاں اچ بجٹ تجویزاں دا جامع اجائزہ ڳھدا۔ انہاں اجلاساں اچ میں توں علاوہ بلال اظہر کیانی، چیئرمین ایف ??ی آر، سیکرٹری خزانہ اَتے ݙوجھے متعلقہ وزارتاں اَتے محکمیں دے نمائندیں شرکت کیتی۔ انہاں نشستاں اچ حکومت اپݨے موقف دی وضاحت کیتی اَتے ایوان کھلے دل نال انہاں نکتے کوں سمجھیا اَتے تعریف کیتی ۔ انہاں مباحثے اساکوں اجتماعی دانش نال بجٹ تجویزاں کوں بہتر بݨاوݨ اچ مدد ݙتی۔انہاں آکھیے جو میں بجٹ تقریر اچ واضح کیتے جو اساں پچھلے مالی سال اچ کوئی م??ی بجٹ متعارف نی کروایا۔ اساں مالی نظم و ضبط برقرار رکھیا، افراط زر تے قابو پاتا، زرمبادلہ دے ذخیرے اچ وادھا اَتے کرنٹ اکاؤنٹ اچ نمایاں بہتری گھن آئے۔ انہاں سارے اقدامات دا مقصد پاکستان کوں اقتصادی غیر یقینی دی دلدل توں کڈھ تے پائیدار ترقی دے رستے تے ٹورݨ اے ۔ ایں راہ تے اڳوں ودھݨ کیتے حکومت اپݨے مالی نظم و ضبط کوں برقرار رکھیندے ایں بجٹ اچ عوامی فلاح کیتے کئی ہک اقدامات دا اعلان کیتے۔ میں چاہساں جو انہاں اچوں کجھ اہم اقدامات دا ذکر ایں ایوان دے سامݨے ول کراں۔وزیر خزانہ آکھیے گھٹ اَتے متوسط آمدݨ آلے لوکاں اساݙی معیشت اچ ہک اہم کردار ادا کریندن۔ اے او طبقہ اے جیڑھا مہانگ جھلیندے اَتے ٹیکس وی ݙیندے، ایں تنخواہ دار طبقے تے عائد انکم ٹیکس اچ کمی دی تجویز پہلے توں بجٹ تجویزاں دا حصہ اے۔ ایں حوالے نال حکومت وزیراعظم دی خصوصی ہدایت تے6 لکھ توں 12 لکھ تئیں دی تنخواہ گھنݨ آلیں کیتے انکم ٹیکس دی شرح 2.5 فیصد توں گھٹ کر تے صرف ہک فیصد کر ݙتی اے۔ صرف ہک فیصد انکم ٹیکس دا نفاذ ایں امر دا علامتی اَتے عملی اعتراف اے جیڑھا ریاست ایں طبقے کوں ٻوجھ تلے دٻاوݨ نی چاہندی۔ اساݙا ݙوجھا قدم سرکاری م??ازمین دی تنخواہواں اَتے پنشن اچ وادھا ہئی۔ حکومت سرکاری م??ازمین دی اوکھ دا ادرا?? کریندے تنخواہیں اچ 10 فیصد اَتے پنشن اچ 7 فیصد وادھا کیتا۔ اے اقدام نہ صرف انہاں کوں ریلیف ݙیسی بلکہ ملازمین کوں احساس ݙویسی جو ریاست انہاں دے نال کھڑی اے۔انہاں آکھیے جو زرعی دوائیں تے ٹیکس ختم کرݙتے اَتے وزیراعظم دی ہدایت تے ہک ہزار گریجویٹس کوں چین بھیجیا ویسی۔ درآمد شدہ سولر پینلز دے پرزہ جات تے 18 فیصد سیلز ٹیکس لاوݨ دا ابتدائی فیصلہ مقامی صنعت کوں تحفظ ݙیوݨ اَتے ہک مساوی مسابقتی ماحول ݙیوݨ سانڳے کیتا ڳیا ہئی تاں جو پاکستان اچ سولر ٹیکنالوجی دی تیاری اَتے سرمایہ کاری کوں ودھارا ملے تاں جو بجٹ تے ݙوہیں ایواناں اچ تفصیلی غور اَتے معزز ارکان دیاں تجویزاں دی روشنی اچ حکومت سنجیدگی اَتے لچک دا مظاہرہ کریندے ایں مجوزہ ٹیکس کوں گھٹ کرتے 10 فیصد کرݨ دا فیصلہ کیتے اَتے ایں ٹیکس دا اطلاق صرف 46 فیصد درآمدی پرزہ جات تے ہوسی۔ ایویں امپورٹڈ سولر پینلز دی قیمت اچ صرف 4.6 فیصد وادھا تھیسی ۔ اے اقدام ایں امر دا غماز اے جو حکومت نہ صرف صنعتاں کوں ودھاڑا ݙیوݨ چاہندی اے بلکہ صاف اَتے قابل تجدید توانائی دی طرف منتقلی دے وژن تے وی ثابت قدمی نال عمل کریندی پئی اے تاں جو پاکستان ہک پائیدار، خود کفیل اَتے ماحول دوست معیشت دے پاسے ٹر سڳے۔انہاں آکھیے جو اساکوں درآمدی سولر پینلز تے مجوزہ 10 فیصد جی ایس ٹی دے نفاذ توں پہلے ہی کجھ عناصر دی طرفوں ناجائز منافع خوری اَتے ذخیرہ اندوزی دیاں اطلاعات ملیاں ہن۔ مذکورہ تجویز دے عملی نفاذ توں پہلے ہی انہاں موقع پرست عناصر دی طرفوں قیمتاں اچ خود ساختہ وادھا کرݨ قابل مذمت اے۔ میں انہاں عناصر کوں سختی نال خبردار کرینداں جو حکومت عوامی م??اد کیتے ہر ممکن اقدام کریسی۔ کہیں کوں وی عوامی استحصال دی اجازت نہ ݙتی ویسی اَتے انہاں عناصر دے خلاف قانون موجب سخت ترین کارروائی عمل اچ گھن آئی ویسی۔انہاں آکھیے جو بجٹ 2025-26ء اچ شامل کیتے ڳئے ریلیف ??َتے سماجی تحفظ دے اقدامات محض وقتی ریلیف کائنی بلکہ ریاست دی اپݨی ذمہ واریاں دے اعتراف اَتے انہاں دے ادراک دا عملی مظہر ہن۔ انہاں اقدامات اچ اہم بینظیر انکم سپورٹ پروگرام دا بجٹ 592 ارب توں ودھا تے 716 ارب روپے کرݨا اے۔ بی آئی ایس پی دے تحت مالی معاونت دا دائرہ وسیع کرݨ حکومت دے ایں عزم دا عکاس اے جو او ساریں توں کمزور طبقے بالخصوص بیوہ، یتیم، بزرگ شہریاں اَتے خصوصی لوکاں کوں معاشی تحفظ ݙیوے ایں اقدام نال تقریباً ہ?? کروڑ خانداناں کوں نہ صرف مالی مدد حاصل ملسی بلکہ انہاں دیاں زندگیاں اچ دیرتئیں استحکام آسی۔انہاں آکھیے جو بجٹ اچ بہتر انفورسمنٹ اَتے فراڈ کیسز دے معاملیں اچ ایف ??ی آر دے اختیارات دے حوالے نال وزیراعظم دی خصوصی ہدایات تے مجوزہ قانون اچ مزید اقدامات شامل کیتے ڳئے ہن تاں جو اختیارات دے ناجائز استعمال دا احتمال نہ رہے۔ ایں حوالے نال سینیٹرز سلیم مانڈوی والا اَتے فاروق ایچ نائیک نال اساݙیاں بہتر تعلیمی اَتے مفید نشستاں تھئن ۔ حکومت انہاں امور تے انہاں دے نال کھلے دل و دماغ دے نال ڳالھ مہاڑ کیتی اَتے انہاں دی صلاح دا احترام کریندے اَتے وزیراعظم دی ہدایات دی روشنی اچ کجھ نکتے کوں مزید واضح اَتے بہتر کیتے ایں حوالے نال تفصیلات میں اپݨی قومی اسمبلی اچ بجٹ تے بحث سنبھیندے پیش کریساں۔انہاں آکھیے جو سینیٹ دی قائمہ کمیٹی خزانہ و محصولات دیاں سفارشات حکومت کوں مل ڳئن ۔ میکوں امید اے جو پچھلے سال وانڳوں ایں سال وی قائمہ کمیٹی دیاں 50 فیصد توں ودھ سفاشات کوں فنانس ٻل دا حصہ بݨایا ویسی۔ سینیٹ وانڳوں اساں قومی اسمبلی دی قائمہ کمیٹی خزانہ دے نال وی تفصیلی مشاورت جاری رکھی ہوئی اے اَتے ایں مشاورت دی تکمیل دے بعد اساں فنانس ٻل دی حتمی شکل تئیں پڄ ویسوں۔ وزیر خزانہ آکھیے جو اساݙی حکومت دا وژن صرف استحکام تے اکتفا کائنی ، اساݙے نزدیک اے محض ہک پڑاؤ اے، منزل کائنی ۔ اساݙی اصل کوشش ہک جامع، ہمہ گیر اَتے پائیدار ترقی دا حصہ اے جیں اچ سارے پاکستانیاں کوں ترقی دے ھکو سویں موقع مل سڳن، معیشت اچ شمولیت دا حق حاصل ہووے اَتے ملک ترقی دے ایں ماڈل دے پاسے ودھے جیڑھا وزیراعظم پاکستان دے وژن نال ہم آہنگ ہووے۔
